Plantun de Prouvènço

Pèr coumpara dos planto d'encò nostre

Barbarea intermedia & Rosa dumalis

Erbo-de-santo-Barbo(-mejansiero)

Barbarea intermedia

Brassicaceae Cruciferae

Autre noum : Cassouleto-jauno.

Nom en français : Barbarée intermédiaire.

Descripcioun :
Aquesto erbo-de-santo-Barbo trachis pulèu en mountagno dins li mitan umide. Tóuti li fueio, pas bèn grosso, soun proun divisado fin qu'à la costo emé un darrié tros en ferre de lanço. Si boudousco soun mai courteto qu'encò de Barbarea verna.

Usanço :
Sabèn pas s'aquesto Barbarea èi manjadisso coume lis àutris erbo-de-santo-barbo.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Barbarea
Famiho : Brassicaceae
Famiho classico : Cruciferae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Raro au nostre

Liò : Mountagno mejano - Champ - Camin
Estànci : Pancaro entresigna
Couroulougi : Pancaro entresigna
Ref. sc. : Barbarea intermedia Boreau, 1840

Agufié(-roso)

Rosa dumalis

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier commun.

Descripcioun :
Aquel agufié, Rosa dumalis, trachis dins li relarg mountagnous e roucaious. Douno d'èr à Rosa canina, mai èi bèn mens coumun. Èi mai rabasset, emé de fueio souvènt verdalo e de flour pus acoulourido, roso vivo. La diferènci founso èi de vèire dóu coustat de l'ourifice calicinau qu'èi mai grand (>1/4 de la larjour, vèire la fotò). Aquel agufié-roso, presenta aqui èi Rosa dumalis s.s. (sènso glando sus lou pecou, dènt di fueioun coumpausado e sènso péu souto li fueio).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.